नख्खु खोलामा २ जनाको जीवन बचाएका चनिकलाल तामाङलाई धर्मगुरु प्रकाश भुजेलले १५,००० रुपैयाँ सहयोग
नख्खु खोलामा २ जनाको जीवन बचाएका चनिकलाल तामाङलाई ‘हाम्रो प्रकाश मानव सेवा’ द्वारा १५,००० रुपैयाँ सहयोगको प्रतिबद्धता
नख्खु खोलाले बगाएका ४ जनामध्ये २ जनालाई आफ्नो ज्यान जोखिममा राखेर उद्धार गर्ने काभ्रेका चनिकलाल तामाङ दोङलाई ‘हाम्रो प्रकाश मानव सेवा’ संस्थाका संस्थापक धर्मगुरु प्रकाश भुजेलले १५,००० रुपैयाँ सहयोग गर्ने घोषणा गरेका छन्।
भुजेलले विपदको घडीमा साहस देखाई अरुको जीवन बचाउन चनिकलालले देखाएको बहादुरीलाई हौसलास्वरूप यो सहयोग गरिएको बताए। उनले भने, “यो सहयोग चनिकलालज्यूको साहस र मानवताको कदरस्वरुप गरिएको हो, उहाँलाई हाम्रो माया र सम्मान स्वरूप हो।”
धर्मगुरु भुजेलले ‘हाम्रो प्रकाश मानव सेवा’ सधैं सेवामूलक काममा समर्पित रहने र समाजमा सेवा गर्ने व्यक्तिहरूलाई निरन्तर हौसला दिने प्रतिवद्धता दोहोर्याए।
चनिकलाल तामाङसँग सम्पर्क गर्न र सहयोग समन्वयका लागि आग्रह समेत गरिएको छ।
जय सम्भो! जय भोलेनाथ!
